எனது
உள்ளங்கையில்
உனது உள்ளங்கை
ஈர இலையாய்
பொதிந்து கிடக்கும்.
உனது கடலின்
உறக்க அலையாய்
எனது பிடிக்குள்
துடிக்கும் உன் நாடி.
எனது உடல்
விரல்களாய் வளர்ந்து
உனது உடலில்
கலக்கும்
அப்பொழுது.
அலையும் இலையாய்
மிதக்கும் இம் மனது.
ஆழம் அறியா
ஆழி உன் மனது.
எனது
உள்ளங்கையில்
உனது உள்ளங்கை
ஈர இலையாய்
பொதிந்து கிடக்கும்.
உனது கடலின்
உறக்க அலையாய்
எனது பிடிக்குள்
துடிக்கும் உன் நாடி.
எனது உடல்
விரல்களாய் வளர்ந்து
உனது உடலில்
கலக்கும்
அப்பொழுது.
அலையும் இலையாய்
மிதக்கும் இம் மனது.
ஆழம் அறியா
ஆழி உன் மனது.
எழுதாத கடிதங்கள்
மனவறையில்
மக்கிக் கொண்டிருக்கின்றன.
தொடு திரையில்
பாவாது
மிதந்து போய்ச் சேர்கின்றன
ஈக்கள்.
இரவின் உறக்கம்
கரைந்து
ஒற்றைத் துளியாய்ச்
சொட்டியதை
பரிதி குடித்துப் போனது.
வறியப் புல் நுனி நான்.